Os centros educativos galegos contan desde este curso cunha nova ferramenta de apoio, para o seguimento e axuda ao alumnado con maiores dificultades desde o punto de vista educativo e familiar. Trátase da Rede de Orientación Persoal e Familia de Galicia que quedou constituída esta semana nunha xuntanza presidida polo conselleiro de Cultura, Educación e Universidade, Román Rodríguez, na que participaron coordinadores e equipos directivos dos 32 centros que exercerán de dinamizadores nas súas respectivas áreas.
A rede disporá de 32 novos docentes -a razón dun por cada centro coordinador- para atender as necesidades de reforzo do alumnado doutras tantas zonas, tendo en conta a singularidade do alumnado do rural. Cada un destes docentes será responsable dunha Unidade de Acompañamento e Orientación persoal e familiar.

http://www.edu.xunta.gal/portal/node/35433