FANPA convoca asembleas xerais ordinaria, extraordinaria e proceso electoral do 2021
A Federación Provincial de ANPA de Pontevedra convoca asembleas ordinaria e extraordinaria o vindeiro día 19 de xuño de 2021 a partir das 10.00 horas no CEP Campolongo da cidade de Pontevedra.
Convocatoria de asemblea ordinaria
Orde do día: contas, memoria de actividades e orzamentos dos anos 2020 e 2021
Hora: 10:00
Convocatoria de asemblea extraordinaria
Orde do día: candidaturas e eleccións á Xunta Directiva
Hora: 11:00
Procedemento de presentación de candidaturas
Prazo límite: 11/06/2021, ás 14:00 h para as candidaturas conxuntas e 18/06/2021, ás 14:00 h para candidaturas individuais.
A documentación complementaria enviarase ao enderezo correo electrónico declarado oficial a todas as ANPA socias e ademais está á vosa disposición para a súa consulta na sede das oficinas da FANPA
Acreditacións
As acreditacións podedes envialas previamente á xornada de asemblea por correo a info@nontedurmas.org co título: “Acreditacións da ANPA [nome da anpa]” e logo presentar os orixinais o día propio ou que os delegados asistentes presenten o orixinal o mesmo día de realización das asembleas.
Alternativamente, podedes envialas directamente a través do formulario que hai ao final desta información e que tampouco substitúe á presentación de orixinais o día da asemblea.
Se soamente vai vir o/a presidente dunha ANPA como delegado, non é necesario nomear delegados especificamente e, por tanto, non é necesario convocar Xunta Directiva da vosa ANPA. Con presentardes o certificado do secretario da ANPA que acredita o/a presidente chega.
——Nota de web: calquera aviso ou actualización ata o día das asembleas serán publicados nesta mesma páxina
——
As asembleas terán lugar no CEP Campolongo (Rúa Xeneral Rubín, 3 de Pontevedra) e comezarán a partir das 10.00 h en primeira convocatoria. Está previsto que a xornada remate antes das 14.00 h.
cargando mapa - por favor, espere...