O Concello de Pontevedra está convocando a todas as ANPA de Pontevedra que están incluídas nos programas de comedores escolares e programa de madrugadores a unha reunión que terá lugar o vindeiro martes, 5 de setembro, no Salón de Plenos do Concello de Pontevedra.

Está previsto que se fale do programa xeral de contratación dos servizos de cáterin e almorzos do plan de madrugadores. A partir de aí falarase das cuestións concretas de cada colexio (obras de adecuación, reparacións, etc). Tamén se falará dos programas de axudas directas ao funcionamento das ANPA que ten previsto ofrecer a Consellería e as do propio Concello.