Seguindo co programa de inserción laboral de persoas con discapacidade en Galicia, esta mañá os comedores das ANPA asociados na Federación de Pontevedra que se xestionan a través da empresa Serunión súmanse á iniciativa e presenta o acordo de colaboración para fomentar a inclusión laboral de persoas con síndrome de Down conxuntamente coa asociación Xuntos Pontevedra.

Mediante este acordo, Serunión financia os cursos de auxiliar de monitor e unha vez finalizados ofrécelles a posibilidade de realizar as prácticas nos comedores escolares que a compañía xestiona na cidade, neste caso, na rede de colexios que pertencen á Federación Provincial de ANPA de centros públicos de Pontevedra (FANPA). En concreto, 7 persoas da asociación Xuntos Pontevedra xa realizaron as 20 horas de formación e hoxe mesmo comezaron as prácticas nos comedores.

Este acordo farase extensivo a outras asociacións de Vigo e A Coruña, nos que tamén se ofrece formación e prácticas na rede de comedores escolares que xestiona Serunión.

Orixe: Pontevedra se suma al fomento de la inserción laboral de personas con síndrome de Down | Serunion