Educación dá marcha atrás na dobre quenda e ampliará o comedor escolar do CEIP Rosalía de Castro

Tal como recolle a prensa, Educación iniciará nos vindeiros días as obras para ampliar o comedor do CEIP de Carril. Os responsables explicaron que os traballos propostos foron “valorados positivamente” pola dirección do colexio, así como pola xefatura territorial de Educación de Pontevedra.

A presidenta da ANPA, Pilar Acosta, valora de forma positiva a anulación da dobre quenda, unha medida aplicada de forma unilateral pola Consellaría de Educación que se atopou coa oposición frontal dos pais, que xunta cos seus fillos, organizaron unha comida protesta fronte ao colexio. Durante varios días non levaron os nenos ao comedor ante a vulneración dos seus dereitos a unha comida saudable.

Orixe: Educación iniciará en los próximos días la ampliación del comedor escolar del CEIP Rosalía de Castro – Vilagarcía – Diario de Arousa – Las noticias de Vilagarcía, O Salnés, O Barbanza y Ulla-Umia.