O vindeiro día 2 de marzo ábrese o prazo de solicitudes na Deputación Provincial de Pontevedra para participar no programa de campamentos da Lanzada. 1.540 prazas.

Poderán participar nenas e nenos que cumpran os seguintes requisitos:

• Nacer entre os anos 2013 e 2018 (ambos os dous incluídos).
• Estar empadroadas ou empadroados na provincia de Pontevedra.
• Non padecer ningunha enfermidade infecto-contaxiosa en fase activa.

Poderán participar menores en situación de tutela e garda por parte da Administración e aqueles que se atopen tanto en réxime de acollemento residencial como en atención de día nalgún centro da provincia de Pontevedra.

Os campamentos terán lugar entre o 21 de xuño e o 5 de setembro de 2025. Realizaranse once quendas, de sete días de duración cada unha (de domingo a sábado), nas seguintes datas:

• Primeira quenda: do 21 ao 27 de xuño
• Segunda quenda: do 28 de xuño ao 4 de xullo
• Terceira quenda: do 5 ao 11 de xullo
• Cuarta quenda: do 12 ao 18 de xullo
• Quinta quenda: do 19 ao 25 de xullo
• Sexta quenda: do 26 de xullo ao 1 de agosto
• Sétima quenda: do 2 ao 8 de agosto
• Oitava quenda: do 9 ao 15 de agosto
• Novena quenda: do 16 ao 22 de agosto
• Décima quenda: do 23 ao 29 de agosto
• Décimo primeira quenda: do 30 de agosto ao 5 de setembro

Orixe: 613350 Solicitude de participación no programa “Campamentos A Lanzada”