Aberto o prazo para o Programa Apego do Concello de Pontevedra
Actividades desta primavera
Cómpre inscrición no formulario: http://apuntate.pontevedra.
Se o formulario foi enviado correctamente, recibiredes no momento, na vosa conta de correo, unha copia do enviado. Días máis tarde, se tedes praza nalgunha das actividades escollidas por vós, recibiredes un correo indicándovolo; enviamos un correo diferente para cada actividade, uns días antes de cada actividade.
Como sempre, as actividades son para irdes en familia; as idades indicadas a carón de cada título fan referencia ás idades ás que se adaptan os contidos. Cando cubrades o formulario lembrade que as prazas por familia son para 1 ou 2 adultos por menor, excepto para a foliada, á que poden ir máis familiares. As prazas son limitadas, contamos como máximo con 25 familias por sesión (algunhas teñen menos prazas).
Este é o programa de actividades en Pontevedra para abril e maio:
Obradoiro; para familias con nenas e nenos de 3 a 6 anos.
Mario pensaba que o galego non servía para nada. El sabía inglés, francés, chinés…, con Polo Correo do Vento.
Sesión de contacontos participativo, onde toda a familia acompañará a Mario na súa aventura de descuberta do seu mundo máis próximo.
– Martes 16 de abril, de 17.30 a 18.30 h, na sala Almofrei da Casa Azul, rúa Sor Lucía.
Ruta urbana familiar; ; para familias con nenas e nenos de 0 a 6 anos
Percorre a cidade e atopa a lingua!, con Roberto Rivas
Vide descubrir a lingua que atesoura Pontevedra en familia, con explicacións e xogos polas rúas e prazas.
– Martes 23 de abril, de 18 a 19.30 h. Punto de encontro: praza da Peregrina
Obradoiro; ; para familias con nenas e nenos de 4 anos en diante
Para cantar e bailar, con Luís Prego e Samuel Soto
Para aprender cantigas, danzas sinxelas e xogos cantados e bailados; para experimentar os primeiros pasos do baile tradicional e practicar diversas melodías e ritmos. Luís Prego é profesor de canto e baile tradicional e autor dos libros Para cantar e bailar e Xogos musicais.
– Xoves 25 de abril, de 17.30 a 18.15 horas (pódese alongar un pouco), na sala Almofrei da Casa Azul, rúa Sor Lucía.
Obradoiro para adultos con servizo paralelo de bebeteca e ludoteca
Crianza respectuosa, con Ana Couto
A través do enfoque da crianza respectuosa falaremos sobre como poñer os límites con paciencia e firmeza e aprenderemos ferramentas para educar sen premios nin castigos. Ana Couto é pedagoga especialista en adestramento educativo e de familia e intelixencia emocional.
Para que poidades aproveitar mellor o obradoiro, teremos servizo de ludoteca e bebeteca dispoñible na sala Almofrei. Por favor, indícanos o nome e a idade da/s nena/s ou do/s neno/s no apartado para observacións do formulario.
– Martes 7 de maio, de 17 h a 18.30 horas, na Casa Azul, rúa Sor Lucía. Bebeteca a ludoteca- na sala Almofrei; (soto); obradoiro na sala Valdecorvos (1º andar).
Obradoiro; ; para familias con nenas e nenos de 0 a 6 anos
Foliada con Apego, con Pablo Díaz e Olga Kirk
Un encontro para coñecerse, compartir, cantar, bailar e ir aprendendo de xeito natural unha chea de cantos de noso. Se tocades algún instrumento tradicional, non esquezades levalo, e tamén a merenda para compartir!
– Sábado 11 de maio, nos xardíns do Dr. Marescot (fronte a Belas Artes), de 17.30 a 19 horas
Lembrade solicitar praza: http://apuntate.pontevedra.
Saúdos!