O vindeiro día 17 de febreiro finaliza o prazo de solicitude para os colectivos, entidades e asociacións que desexen organizar cursos Celga entre os meses de abril a novembro de 2009. Os cursos Celga son preparatorios para obter o certificado de lingua galega dos niveis 1, 2, 3 e 4. Xunto á folla de solicitude, cómpre presentar a listaxe de persoas que van participar no curso Celga que solicita o colectivo e os documentos de identidade dos inscritos.

Así mesmo, o 30 de xaneiro remata o prazo para particulares que desexen participar nos cursos Celga programados de marzo a xuño. Ademais dos cursos que poden organizar as asociacións, hai programados cursos de todos os niveis, para particulares, que se realizarán en dúas quendas: de marzo a xuño e de outubro a novembro. Ademais, no mes de agosto ofértanse cursos Celga 3 (en Vigo) e Celga 4 (en Pontevedra) en horario intensivo de 9 a 13 horas, de luns a xoves. A convocatoria inclúe, para particulares, o calendario previsto para todo o ano 2009 de cursos de formación de lingua galega, niveis Celga 1, 2, 3 e Celga 4 (75 horas lectivas).

DOG núm. 234, do martes 2 de decembro, na que figuran as bases e os modelos de solicitude, para particulares e para colectivos.

• Probas de acreditación de coñecemento de lingua galega

No DOG núm. 10, do xoves 15 de xaneiro, convócanse as probas para a obtención dos certificados de lingua galega, niveis Celga 1, 2, 3 e 4, no ano 2009. Realízanse 2 convocatorias:

- convocatoria de maio; o prazo de inscrición remata o día 25 de marzo.

- convocatoria de novembro; o prazo de inscrición remata o día 12 de outubro