Promoción, achegamento e difusión da oferta de ensino superior en Galicia para o alumnado de bacharelato e de formación profesional dos centros de educación secundaria da Comunidade Autónoma de Galicia.

• Ofrecerlles aos visitantes toda a información sobre a oferta formativa do ensino superior (universidades, formación profesional e ensinanzas artísticas) na Comunidade Autónoma de Galicia.


• Informar e orientar de modo individual sobre as liñas de bolsas, axudas e premios ou residencias para o alumnado que accede á universidade, á formación profesional e ás ensinanzas artísticas.


• Difundir as posibilidades de estadías formativas no estranxeiro tanto na universidade como na formación profesional (Erasmus, Leonardo,...).

• Informar sobre as novidades dos próximos títulos de formación profesional.


• Destacar as relacións formativas entre os ciclos de grao superior e a universidade (validacións de créditos formativos na universidade por ciclos de grao superior).


• Coñecer as ensinanzas máis demandadas polos sectores productivos de Galicia.


• Achegar información sobre as PAAU (probas de acceso á universidade) e o sistema de acceso á universidade.


• Achegar información sobre o sistema de acceso a ciclos formativos, ben de xeito directo ou ben mediante proba.


• Divulgar o papel das universidades e da formación profesional na promoción científica e tecnolóxica de Galicia.


• Dar a coñecer o protagonismo e as oportunidades dos titulados de formación profesional no mundo laboral, como emprendedores e como traballadores, que dan resposta ás novas demandas profesionais, enriquecendo o texido produtivo de Galicia.


• Informar sobre a vida nos sete campus universitarios de Galicia (cultura, deportes, residencias, comedores, transporte, etc.).


• Coñecer as posibilidades de formarse o longo da vida (formación > emprego > formación)


• Informar sobre o Espazo Europeo de Educación Superior.


• Difundir outras posibles accións da consellería.