Aviso da convocatoria de subvencións do Concello de Pontevedra para o ano 2005
Comunicámoslles que o pasado venres 29 de xullo de 2005 publicouse no BOP núm. 145 o anuncio coas bases e a convocatoria do Concello de Pontevedra para a concesión de subvencións a asociacións e entidades sen fin de lucro que desenvolvan accións no eido da cultura no ano 2005. No mesmo boletín tamén se publican as bases de subvencións para actividades dirixidas á mocidade e para servizos sociais.
Lembrámoslles que o prazo de presentación de solicitudes estará aberto ata o vindeiro martes 30 de agosto, e que deberán presentar as solicitudes no Rexistro Xeral do Concello de Pontevedra
Para facilitar a tramitación, o Concello ten á súa disposición dossieres coas bases das convocatorias e os impresos para presentar a solicitude de subvención. Poden recollelos nas oficinas da Concellaría de Cultura do Concello, no Soto do Chalé Fontoira (no horario de 8.30 ás 14.30 h.). Tamén poden consultar as bases publicadas no BOP en Internet:
Co desexo de que esta información sexa do seu interese, reciban un cordial saúdo.
Luís Bará Torres
Concelleiro de Cultura e Normalización Lingüística