Asistir, coordinar, representar, reclamar, fomentar, colaborar, promover, acadar, potenciar, facilitar...b) Asistir ás ANPA en todo aquilo que teña que ver cos fins fixados nos seus respectivos estatutos, en especial no que teña que ver coa educación dos alumnos.
c) Coordina-la actuación das ANPA para lograr unha unidade de acción.
d) Representar e defende-los dereitos das ANPA asociadas e asistir no dereito dos pais e titores dos alumnos a intervir no control e na xes-tión dos centros públicos.
e) Reclamar ante os órganos competentes da Administración o cumprimento das leis relativas á Educación, entendendo esta coma un dereito humano de carácter fundamental.
f) Fomentar o desenvolvemento das ANPAS e promove-la integración delas nesta Federación cando non estean federadas e radiquen no seu ámbito territorial.
g) Colaborar coas ANPA asociadas nas actividades educativas dos centros.
h) Promove-la participación dos pais e titores de alumnos na actividade do centro escolar.
i) Facilita-la representación e a participación dos pais e titores dos alumnos nos consellos escolares de centros públicos e noutros órganos colexiados, se fose o caso.
j) Fomentar e dar asesoramento a tódalas ANPA asociadas.
k) Fomentar e promove-la cultura xeral, e en particular o idioma galego.
l) Promover e desenvolver cantas actividades sexan necesarias para facilitar e conseguir os seus obxectivos, incluíndo o poder arbitrar me-dios económicos para axudar ós seus asociados, co obxecto de que poidan desenvolver mellor os seus fins.
m) Fomenta-las relacións de cooperación das ANPA asociadas cos sectores sociais, deportivos e culturais da súa contorna.
n) Acadar un ensino de alta calidade, gratuíto e que desenvolva a personalidade humana con respecto ós principios democráticos de convivencia e ós dereitos e liberdades, ó abeiro do que dispón a Constitución española do 1978.
o) Promover todo tipo de asociacións encamiñadas a que os grupos marxinados socialmente por razón de etnia, diminución física, psíquica ou sensorial ou calquera outro motivo, sexan integrados nos centros educativos e admitidos con normalidade na comunidade educativa.
p) Potenciar calquera actividade que leve a que a planificación dos programas educativos respondan a unha integración social, laboral, cul-tural e económica dos grupos marxinados socialmente.
q) Facilitar o asesoramento legal a tódolos membros e asociados e, no seu caso, promove-las correspondentes accións administrativas ou xudiciais tendentes a garantir os intereses e dereitos recoñecidos legalmente.
|