Lugar: Teatro Principal.

Día: mércores, 21 de maio

 20 h: Cousas do Kulechov. DVD. Presentará a curtametraxe a directora, a pontevedresa Susana Rei.

 20.30h: O cazador

 20.56h: Historias dunha torre. A torre sábeo. DVD.

 21.11h: Historias dunha torre. Polo amor de Deus. DVD.

 21.23h: Historias dunha torre. Entorrados. DVD.

 21.33h: Historias dunha torre. O peso do fume. DVD.

 21.43h: Don señor e o home do soño. 35mm

 21.46h: O neno de barro.35mm. 95´. Presentará a longametraxe o director e guionista, Jorge Algora.

Cousas do Kulechov. 2006

Dirección: Susana Rei Crespo

Creación videográfica baseada na montaxe como exercicio de alteración da percepción. A partir de imaxes reais (mariscadores, bateas, incendios forestais, bombas de palenque), habituais en telexornais e documentais, créase unha historia bélica na que un exército invade Galicia. O relato ficticio artéllase en torno aos seguintes eixes: Desembarco inimigo nas costas, destrución de poboacións, fuxida ao interior, resistencia, reconversión do sector pesqueiro e gandeiro en industria bélica e vitoria final.

O cazador. 2007

Dirección e guión: Ángel Santos

Produción: Ángel Santos e Daniel Froiz

Fotografía: Juan Carlos Pérez

Montaxe: Ángel Santos

Son: Xavier Souto

Intérpretes: Lois Soaxe, Marta Pazos e Teté García

Dous actores sobre un escenario baleiro construíndo uns personaxes. Un cazador e unha campesiña que se atopan nun prado co peso dunha relación pasada nas súas costas.

Historias dunha torre

Este proxecto consiste na realización de catro curtametraxes de entre 10 e 15 minutos de duración co único punto en común da inclusión da Torre de Hércules como localización ou referencia en cada unha das historias. Todas as curtametraxes están protagonizadas polos actores/alumnos que foron sometidos a un rigoroso proceso de casting no que tiveron que traballar duro para conseguir os mellores papeis.

(Historias dunha torre) A torre sábeo. 2006

Dirección: Germán Tejada Santiago

É un thriller, e a miña aposta como director é a de mergullar ao espectador nesta insólita viaxe que se desenvolva nunha soa noite na que a vida dun grupo de amigos da un xiro radical que vai dende a celebración, o optimismo e as ganas de vivir ata a desesperación, a violencia, o egoísmo e a terrible incerteza que os acompañará durante o resto das súas vidas…

(Historias dunha torre) Polo amor de Deus. 2006

Dirección: Javier García Cea

É unha comedia romántica en cinco actos. Mozo e moza coñécense; mozo e moza deciden vivir xuntos; mozo e moza desespéranse ante as cargas familiares; mozo e moza sepáranse traxicamente; e un bonus track moza e can son felices na súa soltería pero tamén rematan separándose. Se ben cada parella fórmana dous actores diferentes, a historia é unha. As diferentes historias conforman todas e cada unha das etapas que o amor debe tomar no seu camiño ao desamor

(Historias dunha torre) Entorrados. 2006.

Dirección: Germán Tejada Santiago, Pablo Sante Varela e Carlos Sánchez Pérez

O grande reto, e por outra parte clave da comicidade de Entorrados, reside no feito de que todos os personaxes que aparecen na curtametraxe, sexan humanos ou animais, son interpretados única e exclusivamente por dous actores en permanente estado de metamorfose. Estamos a falar, como non, de Pablo Sánchez e Carlos Sante.

(Historias dunha torre) O peso do fume. 2006

Dirección: Héctor Diéguez González

É difícil deixar de fumar, moi difícil. Calquera dos millóns de persoas no mundo que o intentaron algunha vez saben de qué estamos a falar. Algúns conseguírono, pero a maioría sufriron un estrepitoso fracaso. Cando entramos no piso de Luís atopámolo pasando por esta terrible experiencia.

Don Señor e o home do soño. 2008

Dirección e guión: Juan Ignacio Abia

Produción: Daniel Froiz

Animación

O introvertido Don Señor vive nun cuarto e non lle gusta saír. Pero mesmo alí algo lle molesta: Cando dorme, aparéceselle continuamente “O Home do Soño”.

O neno de barro. 2007

Dirección: Jorge Algora

Fotografía: Suso Bello

Guión: Christian Busquier, Jorge Algora e Héctor Carré

Música: Nani García

Intérpretes: Abel Ayala, Chete Lera, Juan Ciancio, Daniel Freire e Maribel Verdú

Bos Aires, 1912. Unha serie de brutais asasinatos de menores propágase pola cidade. Mateo, un meniño de 12 anos, agacha un segredo: ás veces a súa mente condúceo a un escuro lugar da memoria onde é testemuña dos asasinatos.

Cineclub Pontevedra teléfono 986859584. Rúa Oliva n º 6 5 ª A. CP36001. Apartado 281. Atención ao público de 19h á 21h (excepto os días de sesión)