A principios de abril numerosas familias da nosa comunidade educativa acolleron nas súas casas ao alumnado italiano que participou no intercambio co CEIP Froébel para favorecer a aprendizaxe activa de linguas e culturas.

O intercambio completouse estes días coa estadía de alumnos e alumnas do último ciclo do colexio Froébel durante oito días en Italia. Ademais de convivir co alumnado da escola de 1º grao de Cavour, o noso alumnado visitou Roma.

Esta experiencia, que o centro leva realizando xa hai algúns anos con resultados positivos, marca, sen dúbida, un antes e un despois nas súas vidas.