A incorporación da muller ao mundo laboral e académico é un feito indubidable que supuxo unha transformación social. A evolución que tivo lugar durante o século XX e principios do XXI deixa patente que cómpre un cambio no contexto social, xa que os roles de xénero asignados se poñen en cuestión posto que sufriron unha importante evolución ata o momento actual. Polo tanto son necesarios novos elementos que axuden nesta transformación, proporcionando un desenvolvemento axeitado, coherente e sustentable no tempo. Nº 64 - Xoves, 3 de abril de 2008 DIARIO OFICIAL DE GALICIA 5.707 Por este motivo, a Vicepresidencia da Igualdade e do Benestar, consciente de que a responsabilidade é un aspecto que, polo seu impacto social, require abordarse a través de accións concretas a nivel particular e coherentes no seu conxunto, promoveu a elaboración dun plan de fomento da corresponsabilidade coa vontade de proporcionar respostas ás novas demandas, no ámbito da promoción da corresponsabilidade. Sen dúbida, o plan trata de enfocar os esforzos na dirección dunha política de igualdade que incremente a corresponsabilidade das galegas e os galegos e impulse a implantación de mecanismos que a fomenten. É ben sabido que existe, en xeral, unha percepción de que resulta difícil compatibilizar a vida familiar e laboral, sendo ademais concibidas as responsabilidades familiares, na maior parte dos casos como propias das mulleres, o cal actúa unha vez máis como factor de desigualdade. Os poderes públicos deben adoptar medidas que favorezan o desfrute de permisos familiares sen que isto afecte negativamente as posibilidades de acceso ao emprego e as condicións de traballo das mulleres promovendo que os homes asuman tamén estas responsabilidades. Deste xeito, a Vicepresidencia da Igualdade e do Benestar, como unha medida de fomentar a corresponsabilidade e de impulsar así o cambio dos roles diferenciados entre mulleres e homes, implicando estes últimos na atención e coidado dos seus fillos e fillas, establece unha axuda económica destinada a aqueles traballadores que se acollan a unha redución da súa xornada de traballo motivada pola atención e coidado dos seus fillos e fillas menores de tres anos, que comprenden tamén a situación das familias monoparentais. En consecuencia, a través desta orde establécense as bases reguladoras do procedemento a través de convocatoria pública para a concesión destas axudas, a través da modalidade de pagamento único. As axudas que se establecen no articulado desta orde financiaranse con cargo á aplicación orzamentaria 05.30.312G.480.0, recollida na Lei 16/2007, do 26 de decembro, de orzamentos xerais da Comunidade Autónoma de Galicia para o ano 2008. O importe destinado ás axudas ascenderá como máximo a 580.323 euros. Esta orde adáptase ao disposto na Lei 9/2007, do 13 de xuño, de subvencións de Galicia, e ao disposto no Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia en todo o que non se opón ao establecido na lei anterior e, así mesmo, adáptase ao disposto na Lei 38/2003, do 17 de novembro, xeral de subvencións, así como ao seu regulamento aprobado polo Real decreto 887/2006, do 21 de xullo, tendo en conta en todo caso os principios de publicidade, transparencia, obxectividade, igualdade, non-discriminación, eficacia no cumprimento dos obxectivos fixados pola Administración da Xunta de Galicia e eficiencia na asignación e na utilización dos recursos públicos, agás o réxime xeral de concorrencia competitiva, e os demais requisitos exixidos na Lei 16/2007, do 26 de decembro, de orzamentos xerais da Comunidade Autónoma de Galicia para o ano 2008; existe crédito axeitado e suficiente para o financiamento do gasto que se proxecta. Na súa virtude, en uso das facultades que teño atribuídas, DISPOÑO: Artigo 1º.-Obxecto. O obxecto desta orde é a regulación do réxime de concesión de axudas económicas a aqueles traballadores que se acollan á redución da súa xornada de traballo así como a convocatoria destas para o ano 2008. Artigo 2º.-Actuacións subvencionables. As axudas, na modalidade de pagamento único, seranlles concedidas aos traballadores que, a partir do día 1 de novembro de 2007 e ata o 31 de agosto de 2008, se acollan a unha redución da xornada de traballo de ata un máximo da metade da duración daquela para o coidado dun/dunha fillo/a menor de tres anos. Artigo 3º.-Persoas beneficiarias. 1. Poderán ser beneficiarios das axudas previstas nesta orde: a) Homes traballadores por conta allea, tanto da empresa privada como das administracións públicas, organismos autónomos, entes públicos de dereito privado e empresas públicas dependentes delas, con independencia de que o seu vínculo sexa laboral, funcionarial ou estatutario e os socios das sociedades cooperativas sempre que estes últimos pertenzan ao réxime xeral da Seguridade Social, que se acollan á redución de xornada a que se alude no artigo 2º desta orde. b) Familias monoparentais en que a persoa solicitante, home ou muller, sexa traballadora por conta allea e se acolla á redución de xornada a que se alude no artigo 2º desta orde. En ningún caso poderán ser beneficiarios os proxenitores privados da patria potestade dos seus fillos/as, ou se a tutela ou garda fose asumida por unha institución pública. 2. As persoas solicitantes deberán cumprir, en todo caso, os requisitos para obteren a condición de beneficiarias, exixidos no artigo 10 da Lei 9/2007, do 13 de xuño, de subvencións de Galicia. Artigo 4º.-Requisitos. Para poder acollerse ás axudas previstas nesta orde deberanse cumprir os seguintes requisitos: a) As persoas que desexen solicitar a axuda económica regulada nesta orde deberán estar inscritas no 5.708 DIARIO OFICIAL DE GALICIA Nº 64 - Xoves, 3 de abril de 2008 padrón de calquera municipio dos integrados no territorio da Comunidade Autónoma galega, polo menos cun ano de antelación á presentación da solicitude de subvención. b) No caso das familias non monoparentais, o outro membro da unidade familiar deberá ser traballador por conta allea ou ben autónomo. c) Que na data da solicitude o/a fillo/a conviva coa persoa solicitante. d) Que o período solicitado non coincida co permiso por maternidade nin con calquera outro permiso, licenza ou excedencia para a mesma finalidade. Artigo 5º.-Contía das axudas. 1. A contía desta axuda concederase a través dun pagamento único e estará en función da porcentaxe de redución de xornada laboral que se solicite e da duración desta, que será como máximo de oito meses. Deste xeito, as contías son as seguintes: a) Cando a redución de xornada sexa de ata o 33% da xornada laboral e a súa duración sexa polo tempo máximo de oito meses: i) 2.400 euros se é a/o primeira/o filla/o. ii) 2.700 euros se é a/o segunda/o filla/o ou se son xemelgas/os. iii) 3.000 euros se é a/o terceira/o filla/o ou se son tres xemelgas/os. b) Cando a redución de xornada sexa superior ao 33% e ata o 40% da xornada laboral e a súa duración sexa polo tempo máximo de oito meses: i) 2.700 euros se é a/o primeira/o filla/o. ii) 3.000 euros se é a/o segunda/o filla/o ou se son xemelgas/os. iii) 3.300 euros se é a/o terceira/o filla/o ou se son tres xemelgas/os. c) Cando a redución de xornada sexa superior ao 40% e ata o 50% da xornada laboral e a súa duración sexa polo tempo máximo de oito meses: i) 3.000 euros se é a/o primeira/o filla/o. ii) 3.300 euros se é a/o segunda/o filla/o ou se son xemelgas/os. iii) 3.600 euros se é a/o terceira/o filla/o ou se son tres xemelgas/os. 2. As contías citadas nos puntos anteriores son as máximas aplicables aos casos en que a redución de xornada corresponda a unha persoa contratada a xornada completa. Cando a persoa que solicita a redución estivese contratada para unha xornada laboral de duración inferior, as contías das axudas diminuiranse proporcionalmente. Do mesmo xeito, cando a redución de xornada non se solicite polo período máximo de oito meses, as contías antes citadas reduciranse proporcionalmente. 3. Para o cálculo da contía da axuda teranse en conta unicamente as/os fillas/os menores de doce anos, agás no caso da/do filla/o pola/o que se solicita a redución de xornada, que terá que ser menor de tres anos tal como se establece no artigo 2º desta orde. Artigo 6º.-Duración das axudas. O tempo máximo polo que se poderá conceder a axuda á redución de xornada para fomento da corresponsabilidade será de oito meses. O tempo mínimo de duración da redución de xornada deberá ser de 60 días naturais. Artigo 7º.-Solicitudes: prazo de presentación, documentación preceptiva e lugar de presentación. 1. As solicitudes de axuda á redución de xornada poderanse presentar desde o día seguinte ao da publicación desta orde no Diario Oficial de Galicia e ata o 31 de agosto de 2008. 2. As solicitudes de axuda debidamente cubertas deberanse achegar xunto coa seguinte documentación: a) Solicitude oficial segundo modelo anexo I. b) Fotocopia compulsada do DNI ou NIE. c) Fotocopia compulsada do libro de familia. d) Fotocopia compulsada da sentenza de nulidade, separación ou divorcio e do convenio regulador, se é o caso. e) Nos supostos de adopción ou tutela, fotocopia compulsada do auto xudicial de adopción ou da resolución xudicial de constitución da tutela. f) No caso de proxenitores solteiros con fillo/a recoñecido/a polo outro proxenitor pero sen que exista convivencia entre pai e nai, declaración xurada que recolla este extremo (anexo II). g) Certificación de empadroamento no cal se acredite a data de empadroamento da persoa solicitante dentro do territorio da Comunidade Autónoma galega. h) No caso de familias monoparentais, certificación de convivencia no cal consten as persoas que conviven no domicilio coa persoa solicitante. i) Certificación bancaria orixinal da conta da que é titular a persoa solicitante. j) Declaración do conxunto de todas as axudas solicitadas ou concedidas por este mesmo concepto por calquera Administración pública, ou calquera dos seus organismos autónomos, entes ou sociedades (anexo III). k) Declaración de que o período de redución solicitado non coincide co permiso por maternidade, nin con ningún outro permiso, licenza ou excedencia para o mesmo fin do cónxuxe ou parella (anexo III). Nº 64 - Xoves, 3 de abril de 2008 DIARIO OFICIAL DE GALICIA 5.709 l) Certificación da empresa acreditativa da redución de xornada ou, se é o caso, da Administración pública correspondente (anexo IV). m) Orixinal ou fotocopia compulsada do TA 2/R (variación de datos na Seguridade Social), na cal se reflicta a situación da garda legal. n) No caso de familias non monoparentais, certificación de vida laboral emitida pola Tesouraría Xeral da Seguridade Social relativa ao cónxuxe ou parella. No caso de pertencer a sistemas de previsión social distintos ao da Seguridade Social (MUFACE, ISFAS, MUXEXU etc.), certificación acreditativa da data desde a cal presta os seus servizos, con indicación de que na actualidade se atopa en servizo activo. o) Anexo V relativo á recollida de datos para a análise de resultados. 3. As solicitudes, xunto coa documentación requirida, deberanlle presentar no rexistro da Vicepresidencia da Igualdade e do Benestar, mediante instancia normalizada debidamente cuberta, ben directamente ou ben a través de calquera dos medios previstos no artigo 38.4º da Lei 30/1992, de réxime xurídico das administracións públicas e do procedemento administrativo común. 4. Se as solicitudes non están debidamente cubertas ou non se achega a documentación preceptiva relacionada nos anexos, requirirase a persoa solicitante para que, no prazo de dez (10) días, emende a falta ou achegue os documentos preceptivos, con indicación de que, se así non o fixese, se entenderá que desiste da súa petición, logo da resolución que deberá ser ditada nos termos previstos no artigo 42 da Lei 30/1992, do 26 de novembro, de réxime xurídico das administracións públicas e do procedemento administrativo común. Artigo 8º.-Xestión, resolución, recursos, prazo para resolver e procedemento de publicidade. 1. O órgano competente para a xestión da axuda á redución de xornada será a Secretaría Xeral da Igualdade da Vicepresidencia da Igualdade e do Benestar. 2. Correspóndelle á secretaria xeral da Igualdade, por delegación do vicepresidente da Igualdade e do Benestar, a resolución destas axudas de conformidade co establecido no artigo 7.3º da Lei 9/2007, do 13 de xuño, de subvencións de Galicia. Este proceso efectuarase de forma continuada segundo a orde de recepción de solicitudes das axudas. 3. A resolución a que se refire o punto anterior esgota a vía administrativa e contra ela as persoas interesadas poderán interpoñer recurso contencioso-administrativo, ante o Tribunal Superior de Xustiza de Galicia, no prazo de dous meses a partir do día seguinte ao da notificación da resolución, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Potestativamente, e con anterioridade á interposición do referido recurso contencioso-administrativo, poderá interpoñerse recurso de reposición ante o órgano que ditou o acto, no prazo dun mes a partir do día seguinte ao da notificación da dita resolución. Neste caso non se poderá interpoñer recurso contencioso- administrativo ata que sexa resolto expresamente ou por desestimación presunta o recurso de reposición. 4. O prazo máximo para resolver e notificar as solicitudes de axudas será de dous meses, transcorrido o cal se entenderá desestimada a petición de subvención se non recae resolución expresa. 5. Para lle dar cumprimento ao principio de publicidade, e sen prexuízo da notificación expresa e individualizada das resolucións de concesión, mediante resolución da Vicepresidencia da Igualdade e do Benestar publicarase no Diario Oficial de Galicia a relación das persoas beneficiarias das axudas concedidas ao abeiro desta orde, con expresión das contías percibidas. Artigo 9º.-Forma de pagamento e xustificación da axuda. 1. A contía da axuda concedida será aboada nun pagamento único polo importe que corresponda segundo as contías determinadas no artigo 5º desta orde, unha vez notificada a resolución de concesión. O pagamento farase unicamente na conta que as persoas solicitantes fagan constar no anexo I, e que coincida coa da certificación bancaria requirida no artigo 7º.2.i. 2. No prazo dun mes desde a data en que remate o período acollido á subvención, deberase xustificar o mantemento da situación subvencionada mediante remisión á Secretaría Xeral da Igualdade dunha certificación da empresa ou da Administración pública correspondente, se é o caso, na cal se acredite que se permaneceu coa redución de xornada que deu dereito á axuda durante o período solicitado, debendo ser expedida esa certificación con data igual ou posterior á do período que se certifica, e unha certificación de vida laboral emitida pola Tesouraría Xeral da Seguridade Social ou, se é o caso, documento equivalente segundo o artigo 7º.2.n, tanto da persoa solicitante como da cónxuxe ou parella, se é o caso. 3. Para aqueles períodos de redución de xornada que xa tivesen rematado na data de publicación desta orde, para proceder ao pagamento da axuda deberase remitir a documentación a que se fai referencia no punto anterior no prazo de dez (10) días desde a notificación da resolución. 4. Así mesmo, poderase requirir calquera outro documento que a Vicepresidencia da Igualdade e do Benestar considere necesario. 5.710 DIARIO OFICIAL DE GALICIA Nº 64 - Xoves, 3 de abril de 2008 5. O incumprimento pola persoa beneficiaria do establecido no artigo 9º.2 dará lugar ao reintegro da axuda percibida. Artigo 10º.-Modificación da axuda. 1. Se, unha vez concedida a axuda, a persoa solicitante que exerce o dereito da redución de xornada amplía o período polo que solicitou a subvención, dentro do límite dos oito meses establecido no artigo 6, para que se poida acoller á axuda por un novo período deberá presentar outra solicitude no prazo dun mes desde a data en que se producise esta modificación, sempre que estea dentro do prazo de presentación de solicitudes establecido no artigo 7º.1. 2. Se, antes do remate do período subvencionado, a persoa que está exercendo o dereito á redución de xornada decide renunciar ao exercicio dese dereito, deberá comunicalo á Secretaría Xeral da Igualdade achegando unha certificación da empresa que acredite os termos exactos nos cales se realizou a redución da xornada, en relación coa súa duración e a porcentaxe de redución. A Secretaría Xeral da Igualdade, logo da comprobación da dita documentación, procederá a iniciar o expediente de reintegro regulado no artigo 15º no suposto de que derivase a devolución de parte da subvención concedida. 3. No suposto de que, durante o período que fose subvencionado, a persoa que se acollese a unha redución de xornada diminúa ou amplíe a porcentaxe da dita redución, dentro dos límites exixidos nesta orde, entenderase que na data en que se produciu o cambio finalizou a actuación subvencionada e comeza un novo período subvencionable, debendo comunicalo á Secretaría Xeral da Igualdade e achegando unha certificación da empresa que acredite os termos exactos en que se realizou a redución da xornada, en relación coa súa duración e a porcentaxe de redución. A Secretaría Xeral da Igualdade, revisada a documentación, procederá a liquidar as axudas anteriormente concedidas mediante unha nova resolución ou a iniciar o correspondente expediente de reintegro regulado no artigo 15º, no suposto de que derivase a devolución de parte da subvención concedida. Para poder acollerse á subvención polo período correspondente á nova redución de xornada, deberán presentar outra solicitude, no prazo dun mes desde a data en que se producise esta modificación, sempre que estea dentro do prazo de presentación de solicitudes establecido no artigo 7º.1. Artigo 11º.-Obrigas das persoas beneficiarias. 1. As persoas beneficiarias desta axuda quedan obrigadas a someterse ás actuacións de comprobación que deba efectuar a entidade concedente e ás de control financeiro que correspondan á Intervención Xeral da Comunidade Autónoma, así como ás previstas na lexislación do Tribunal de Contas e do Consello de Contas no exercicio das súas funcións de fiscalización e control do destino destas axudas. 2. Así mesmo, están obrigadas as persoas beneficiarias desta axuda á comunicarlle ao órgano concedente calquera eventualidade que altere substancialmente o obxecto ou natureza da actividade subvencionable. Artigo 12º.-Compatibilidades con outras subvencións ou axudas. A axuda por redución de xornada prevista nesta orde será compatible con calquera outra que, coa mesma finalidade, teñan establecidas ou puidesen establecer calquera das administracións públicas, dos seus organismos autónomos, entes ou sociedades, así como calquera entidade privada. Artigo 13º.-Modificación da resolución de concesión. Toda alteración das condicións tidas en conta para a concesión da axuda, sempre que se entenda cumprido o obxecto desta, dará lugar á modificación da resolución e concesión da axuda, sempre que se cumpran os requisitos mínimos establecidos nesta orde para ser persoa beneficiaria. Para estes efectos, a Secretaría Xeral da Igualdade ditará resolución de liquidación, na cal se axustarán os importes das axudas concedidas, aplicándose os criterios e límites establecidos para a o seu outorgamento, quedando obrigadas as persoas beneficiarias á devolución dos importes percibidos en exceso. No suposto de que de tal alteración das condicións puidese derivar a devolución da totalidade ou parte da subvención concedida, iniciarase o correspondente expediente de reintegro regulado no artigo 15º. Artigo 14º.-Recursos económicos. 1. A contía total das axudas que se van conceder dentro deste exercicio orzamentario non superará o importe de 580.323 euros, consignación orzamentaria establecida para estes efectos nos orzamentos xerais da Comunidade Autónoma de Galicia, ou a que se resulte da súa actualización, no caso de que se aproben modificacións orzamentarias de conformidade coa lexislación vixente. 2. No caso de que neste exercicio económico se esgote o crédito orzamentario consignado para a concesión da axuda por redución de xornada, e para os efectos de lle dar publicidade a esta circunstancia, a Vicepresidencia da Igualdade e do Benestar ditará resolución administrativa na cal se sinalará a data en que se produciu o esgotamento do crédito, que se publicará no Diario Oficial de Galicia. Artigo 15º.-Revogación da axuda e procedemento do reintegro. Procederá o reintegro, total ou parcial, da subvención ou da axuda pública percibida e dos xuros de demora xerados desde o momento do seu pagamento ata a data en que se acorde a procedencia do reintegro nos seguintes casos: Nº 64 - Xoves, 3 de abril de 2008 DIARIO OFICIAL DE GALICIA 5.711 a) Incumprimento da obriga de xustificación ou xustificación insuficiente, nos termos establecidos no artigo 28 da Lei 9/2007, do 13 de xuño, de subvencións de Galicia. b) Obtención da subvención falseando as condicións requiridas para iso ou ocultando aquelas que o impedisen. c) Incumprimento total ou parcial do obxectivo, da actividade ou do proxecto ou non-adopción do comportamento que fundamentan a concesión da subvención. d) Incumprimento das obrigas impostas pola Administración ás entidades colaboradoras e aos/ás beneficiarios/as, así como dos compromisos por estes/as asumidos, con motivo da concesión da subvención, distintos dos anteriores, cando diso derive a imposibilidade de verificar o emprego dado aos fondos percibidos, o cumprimento do obxectivo, a realidade e regularidade das actividades subvencionadas, ou a concorrencia de subvencións, axudas, ingresos ou recursos para a mesma finalidade, procedentes de calquera Administración ou entes públicos ou privados, estatais, da Unión Europea ou de organismos internacionais. e) Incumprimento de adoptar as medidas de difusión contidas no punto 3º do artigo 15 da Lei 9/2007, do 13 de xuño. f) Resistencia, escusa, obstrución ou negativa ás actuacións de comprobación e control financeiro previstas nos artigos 11 e 12 de Lei 9/2007, do 13 de xuño, así como o incumprimento das obrigas contables, rexistrais ou de conservación de documentos cando diso derive a imposibilidade de verificar o emprego dado aos fondos percibidos, o cumprimento do obxectivo, a realidade e regularidade das actividades subvencionadas, ou a concorrencia de subvencións, axudas, ingresos ou recursos para a mesma finalidade, procedentes de calquera Administración ou entes públicos ou privados, estatais, da Unión Europea ou de organismos internacionais. g) Adopción, en virtude do establecido nos artigos 87 a 89 do Tratado da Unión Europea, dunha decisión da cal derive unha necesidade de reintegro. h) Nos demais supostos previstos na normativa reguladora da subvención. Disposicións adicionais Primeira.-A concesión destas axudas terá como límite global o crédito consignado no orzamento da Vicepresidencia da Igualdade e do Benestar para este fin, que é de 580.323 euros. Segunda.-Apróbase a delegación de competencias na secretaria xeral da Igualdade ao abeiro do disposto no artigo 7.3º da Lei 9/2007, do 13 de xuño, de subvencións de Galicia, para resolver a concesión, denegación, modificación ou outras incidencias das subvencións convocadas nesta orde, autorizar e dispoñer os gastos así como o recoñecemento das obrigas e a proposta de pagamentos con relación ao disposto no artigo 73 a) do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia. Terceira.-As persoas beneficiarias atópanse suxeitas ao réxime de infraccións e sancións que en materia de subvencións establece o título IV da Lei 9/2007, do 13 de xuño, de subvencións de Galicia. Cuarta.-De conformidade co artigo 13.4º da Lei 4/2006, do 30 de xuño, de transparencia e de boas prácticas na Administración pública galega, a Vicepresidencia da Igualdade e do Benestar publicará na súa páxina web oficial a relación das persoas beneficiarias e os importes das axudas concedidas, polo que a presentación da solicitude comporta de forma expresa a autorización para o tratamento necesario dos datos das entidades beneficiarias e da súa publicación na citada páxina web. Quinta.-De acordo co establecido no Decreto 132/2006, de 27 de xullo, polo que se regulan os rexistros públicos creados nos artigos 44 e 45 da Lei 7/2005, de 29 de decembro, de orzamentos xerais da Comunidade Autónoma de Galicia para o ano 2006, a persoa beneficiaria autoriza a Vicepresidencia da Igualdade e do Benestar para incluír e facer públicos, nos rexistros regulados neste decreto, os datos referidos ás axudas e subvencións recibidas así como ás sancións impostas. Disposicións derradeiras Primeira.-En todo o non recollido nesta orde aplicarase o disposto para esta materia na Lei 9/2007, do 13 de xuño, de subvencións de Galicia, e no Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia, en todo o que non se opón á dita lei, e demais normativa de aplicación. Segunda.-Autorízase a secretaria xeral da Igualdade para ditar as resolucións necesarias para o desenvolvemento desta orde. Terceira.-Esta orde entrará en vigor o día seguinte ao da súa publicación no Diario Oficial de Galicia.