Os alumnos de cuarto da ESO do IES A Xunqueira I convertéronse este xoves por un día en investigadores de casos de violencia de xénero grazas a un taller impartido por Alejandro Gómez, profesor da Escola de Formación do Sindicato Unificado de Policía (SUP) especializado na materia. O experto utilizou casos reais para implicar aos estudantes na simulación da investigación criminal deste tipo de delitos, analizando con eles os patróns de conduta e buscando explicacións a este tipo de comportamentos.