O programa educativo Campamentos de Inmersión Lingüística para o alumnado da ESO e de bacharelato dos centros públicos da provincia de Pontevedra, enmárcase na liña de interese da FANPA de dotar á poboación estudantil galega de competencias plurilingües e pluriculturais, potenciando a aprendizaxe de idiomas.
Os Campamentos de Inmersión Lingüística teñen como obxectivo:
-Consolidar a aprendizaxe na lingua inglesa, desenvolvendo aspectos prácticos desta lingua.
-Adquirir hábitos e actitudes positivas na aprendizaxe dos idiomas.
-Suscitar no alumnado unha actitude de aprendizaxe permanente, tanto dentro como fóra da aula.
-Desenvolver actitudes positivas de convivencia e cooperación.
Información básica inscrición:
- Data de inscrición:do 16/06 ata o 22/06/2010, en horario de 8:30 a 14:30 hrs nos teléfonos: 986 843 412 e 675 035 693 e no 675 810 604 (de 10:00 a 14:00 hrs), en horario de tarde 16.30 a 20.30h 696 954 210.
-O 23 de xuño informaremos dos admitidos e da documentación precisa para formalizar a matrícula.
-A primeira semana será do luns 12 ao domingo 18 de xullo.
-A inscrición será por riguroso orde de chegada, cando quede cuberta a primeira semana, os que estean en lista de espera, pasarán automáticamente e tamèn por orde a seguinte semana.
-Cabe destacar que se houbese demanda estamos dispostos á alongar os campamentos durante todo o verán.
-Importante: terán prioridade á hora de inscribirse os nenos/as dos centros públicos federados e asociados a ANPA, despois os alumnos/as de centros federados non asociados/as a súa ANPA, centros públicos non federados e por último os centros concertados. Tamén haberá unha distinción económica en cada un destes centros.
Sería bo que preguntasen a Xunta Directiva da súa ANPA se están federados, para saber si ten prioridade na inscrición.Se son socios/as da ANPA do seu centro e teñen interese en participar nesta actividade poden pedir un certificado a ANPA ou presentar o recibo de pago da cota referida ao curso 2009/10.
Lembren que de pedir algún certificado deben facelo xa, porque nos vindeiros días as ANPA acabarán as súas actividades deste curso e, teñen gañado un merecido descanso.
-Os pais/nais terán que levar aos mozos/as o primeiro día de campamento, probablemente a presentación sexa ás 11:30 hrs e recollelos o último día, aproximadamente ás 12:00 hrs.
Cabe destacar que o primeiro día van establecerse grupos por nivel e curso, despois da reunión cos "teachers".
- Programación campamento
Obradoiros con diferentes actividades onde os alumnos/as deben utilizar todas as ferramentas lingüísticas ao seu alcance para conseguir os obxectivos finais, divídese en dúas partes ; na primeira o profesor/a investigará cales son as dificultades lingüísticas máis comúns entre o alumnado para corrixir os malos hábitos, reforzar a base gramatical e ampliar vocabulario, a segunda parte, tras o descanso da mañá, participarán nun proxecto que conseguirá que se involucren todos con entusiasmo “ a creación dunha ONG”, que competirá coa proposta dos outros grupos na elección do mellor proxecto.
Cada mozo/a recibirá de agasallo un libro de lectura en inglés.
Teremos como non, un clube do libro, para relaxarnos despois do xantar.
Pola tarde haberá actividades variadas.
-Debates
-Deportes
-Veladas nocturnas
-Cine en inglés
Tamén teremos días especiais:
-Rutas de sendeirismo
-Aprenderemos a facer a pan
-Equitación no Centro hípico de Mouriscade
-Saída a praia fluvial de Vilatuxe e picnic…
Prezos:
169€ /neno/a socio/a ANPA federada
180€/neno/a non socio/a da súa ANPA
200€/neno/a ANPA non federadas
250€/neno/a coles concertados
- Recomendacións
- Ficha inscrición word
- Ficha inscrición pdf
- Documentacion inscrición
RSS 2.0