Servizos para as ANPA presentar o imposto de sociedades
Debido á nova lexislación tributaria que afecta ás ANPA hoxe en día faise necesario para estas presentar a liquidación do imposto de sociedades.
Esta obriga dáse cando se produzan calquera destas circunstancias:
- Os ingresos totais do exercicio superan os 75.000 €
- Os ingresos non exentos sexan superiores aos 2.000 € no ano fiscal
- Que as rendas non exentas estean sometidas a retención
Como xa informamos no seu momento a FANPA buscou a posibilidade de contar con apoio profesional para que as ANPA poidan xestionar esta obriga o menos onerosamente.
(por exercicio ou ano fiscal debe entenderse o período que anual que a ANPA teña establecido nos seus estatutos: ano natural - o máis normal- ou ben ano escolar)
A este respecto queremos informarvos de que chegamos a un acordo con dúas xestorías para que estas vos presten a seguinte oferta de servizos que podedes contratar con elas:
- Presentación do modelo 397, Declaración de actividades con terceiras persoas
- Presentación da Declaración do imposto de sociedades que inclúe
- Un balance de situación da ANPA, cos seus saldos de contas bancarias, investimentos e outros
- Conta de perdas e ganancias que se obtería dos resultados de ingresos e gastos do período “curso escolar”
- Unha liquidación polo imposto de sociedades exento de tributación, sempre e cando non teña outro tipo de servizos que no estean exentos.
- Declaración de retencións a profesionais que teñan facturado servizos á ANPA: modelos trimestrais e anuais.
- Memoria económica do curso escolar
As empresas que mellores ofertas presentan son:
CyTEM Pontevedra
CyTEM
Contacto:
Departamento Contabilidad.
Teléfono: 986850204
contabilidad.pontevedra@cytem.es
Gabinete Profesional Cerdedo
Cerdedo
Contacto:
GPCerdedo <administracion@gpcerdedo.com>
En paralelo a este servizo, no caso das ANPA que non necesitan presentar o imposto de sociedades porque non se dá ningunha das circunstancias descritas máis arriba, a xestoría CyTEM ofrece a presentación da retención a profesionais que facturan á ANPA, que sería a única obriga que deben cumprir
CyTEM
- por declaración do modelo 111: 20,66 + IVA – TOTAL 25,00 €
- polo resumo anual 20,66 + IVA – TOTAL 25,00 €
É dicir, aproximadamente 100,00 € anuais por tres declaracións do modelo 111 e o seu resumo anual (Modelo 190) -eliminando o trimestre de verán-.