Cursos de usuario de ordenador e Internet para pais
Convocatoria para cursos de usuario de ordenador e Internet para Asociacións de Nais e Pais de Alumnos do Concello de Pontevedra
Os cursos constarán de dúas partes diferenciadas:
– iniciación á informática (acender o ordenador, teclado, rato, word, pendrive…) e
– sesións básicas do uso da Internet e do correo electrónico (webmail, rexistrarse en www.nontedurmas.org, listas de correo, antispam, antivirus, configuración de correo, navegador, recursos de seguridade, programas de mensaxería e chat…)
A monitora do curso é a responsable de Dinamización de Tecnoloxías da Información e o Coñecemento (TIC) do Concello de Pontevedra. Os curso fanse en colaboración co Concello.
Ofertaranse dous horarios distintos para facilitar a participación do maior número de nais/pais. Estes cursos estàn dirixidos a todos os pais/nais das ANPA de Pontevedra, pero terán reservadas un 50% das prazas as súas Xuntas Directivas, que no caso de non completarse, adxudicaranse a outros usuarios.
|
Grupo 1 Horario: 9:30 ás 12:30 Días: luns e mércores Comezo: 21 de maio Remate: 30 de maio Lugar: Pazo da Cultura |
Grupo 2 Horario: 10:00 a 13:00 h Día: sábado Comezo: 19 de maio Núm. horas total: 15 h Lugar: Pazo da Cultura |
*Para a realización do curso é necesario un mínimo de 8 persoas.
Para inscribirse:
Por teléfono, no 986843412, de 11:30 ás 13:30, de luns a venres
Por e-mail, a info@nontedurmas.org
Anotádevos o antes posíbel, data límite 16 de maio. Para máis adiante esperamos poder ofrecer cursos de iniciación de ámbito comarcal.