Rutas de convivencia da Deputación de Pontevedra
A Deputación ofrécenos ás ANPA a primeira edición do programa “En ruta coa Depo 2016” que conta con 18.346 prazas dirixido a entidades sociais da provincia para que poidan pasar un día de convivencia realizando unha ruta, co xantar e o transporte incluídos, pola provincia de Pontevedra, acompañadas dun guía habilitado especializado de Galicia.
A través deste programa preténdese crear espazos de unión e convivencia para as diferentes entidades participantes, promovendo a igualdade de acceso aos recursos, especialmente a aquelas persoas con diversidade funcional, así como actividades alternativas de lecer e tempo libre para a mocidade, fomentando o asociacionismo xuvenil, o lecer dinámico e saudable, e impulsando a conciliación familiar e laboral durante as fins de semana ou estancias estivais.
As solicitudes atenderanse por orde de rexistro de entrada, e terán prioridade as entidades sociais inscritas no Rexistro Único de Entidades Prestadoras de Servizos Sociais.
- Bases (BOPPO 01/08/2016)
- Oficinas de rexistro (lozalización e horario)
- 231.024 Formulario de solicitude
- 231.060 Certificado de acreditación do cargo
- Rutas
Hai 3 rutas específicas para seren solicitadas polas ANPA como actividade de convivencia interxeracional:
- Pontevedra
- Campo Lameiro
- Vigo
O programa terá vixencia ata o 31 de decembro de 2016.