O pasado 27 de xaneiro, o Ministro de Educación presentou o documento “Propostas para un Pacto Social e Político pola Educación”. Estas propostas baséanse, en parte, nos informes dos Consellos Escolares do Estado e das Comunidades Autónomas e abarcan desde a Educación Infantil ata a Universidade, marcando uns obxectivos a longo prazo.
Para levar a cabo os cambios que se pretenden, é imprescindible a implicación de todos os sectores afectados: administracións, partidos políticos, comunidades educativas, pais e alumnos.
Desde CONFAPA-GALICIA queremos ofrecer aos nosos asociados a posibilidade de coñecer e debater este documento e para iso organizamos unha Xornada na que participarán representantes do Ministerio e da Consellería de Educación, do profesorado e dos pais o vindeiro 10 de abril de 2010.
O programa consiste en establecer dúas sesións de mañá e tarde, con comezo ás 9,30 horas e finalización ás 18,00 que quedaría como segue:
9,30 horas Entrega de documentación
10,00 Director Xeral do Ministerio de Educación
11,30 Pausa-café
12,00 Secretario Xeral da Consellería de Educación
13,30 Presidentes de CEAPA e CONFAPA-GALICIA
14,30 Comida
16,30 Mesa con representantes dos Sindicatos do profesorado
18,00 Clausura
Unha vez que teñamos os programas definitivos farémosvolos chegar.
Poderán asistir 3 persoas por ANPA, sendo a cargo de CONFAPA o café e a comida.
Poden descargar a “Folla de inscrición”, que debedes enviarnos cumprimentada antes do 5 de abril. Dado que o aforo é limitado, teremos en conta a orde de chegada para facer a reserva de prazas.
- Folla de inscrición
A todas as persoas que se inscriban e así o desexen, enviarémoslles o “Borrador das Propostas” á ANPA por se queren ter información previa á xornada.
RSS 2.0