Actividades de creación tecnolóxica 2018-2019
Presentamos a oferta de dúas actividades que en parte son continuidade de cursos anteriores.
- Creación mediante programación
- Clube de ciencia e tecnoloxía
Creación mediante programación
O obxectivo deste obradoiro é o de achegar as novas tecnoloxías aos nenos e nenas, desde unha perspectiva creativa con actividades que lles permitan crear os seus propios proxectos.
Idade: de 8 a 12 anos.
Duración: sábados, desde outubro a maio de 10:30 a 12:00 horas
Primeiro trimestre (outubro-decembro). Scratch: crea un videoxogo.
Os alumnos aprenderán fundamentos de programación, retoque de imaxes, gravación e utilización de son co obxectivo de realizar un videoxogo con son e animacións e compartilo na Internet.
Para alumnos de 1º ano
Segundo trimestre (xaneiro-marzo). Deseña unha app para a túa tableta
Neste período traballarán as bases da programación utilizando os diferentes recursos que ten un teléfon móbil ou tableta: pantalla táctil, GPS, acelerómetro, síntese de voz, cámara de fotos, etc.
Ao remate do trimestre poderán desenvolver na tableta aplicacións sinxelas e divertidas realizadas por eles mesmos.
Para alumnos de 1º ano
Terceiro trimestre (abril-maio). Impresión 3D
Aprenderase a deseñar pezas sinxelas en 3D e no proceso necesario para imprimilas. Os nenos traballan en diferentes proxectos durante o trimestre, mellorando a visión espacial, as competencias informáticasx e aprendendo as bases da fabricación dixital.
Ao remate os nenos levarán consigo as creacións que teñan impreso: pequenos bonecos, colgantes, etc.
Para alumnos de 1º ano.
Clube de “Ciencia e Tecnoloxía”
Para alumnos do 2º ano
O obxectivo deste seminario é promover a capacidade inventiva dos alumnos, axudándoos a resolver retos que integren tecnoloxía, robótica e ciencia seguindo unha metodoloxía científica. Para motivalos nenos, tentarase formar equipos para participar en diferentes concursos e retos como o “Concurso de Robótica da Universidade de Vigo”, “Ponteciencia”, etc…, ademais de asistir a feiras e exposicións desta temática. Expoñeranse diferentes temas e propoñeranse retos para que realicen aqueles que sexan acordes cos seus intereses.
Idade: de 11 a 14 anos.
Duración: sábados, desde outubro a maio, de 12 a 13:30 horas.
O formato do curso componse de actividades curtas, en formato seminario e de resolución de retos. As actividades que se impartirán serán: robótica educativa, impresión 3D, Arduino, electrónica, mecánica, hidráulica, pneumática, química, etc…
As actividades poderanse cambiar para facilitar a resolución do reto que se propoñan os participantes.
Inscrición en ambas actividades
Deberá cubrir a ficha e enviala e entregala na sede da FANPA ou ben por correo electrónico en actividades@nontedurmas.org
Prezo:
- Socios dunha ANPA federada na FANPA 18 euros/mes
- Non socios 30 euros/mes
Os cargos en conta pasaranse entre o día 1 e o 5 de cada mes.
Localización:
Sede da FANPA
Hola, estaría interesada en apuntar a mi hija en estas actividades y me gustaría saber en donde se reailizan. Muchas gracias.
Ola,
Creación tecnolóxica realízase na Sede da FANPA.
r/Xan Guillermo, 9
Pontevedra